TABA : The Annual Kalsada Blog Awards 2010

Ano ang TABA 2010?| TABA 2010 Winners | TABA 2010 Finalists | TABA 2010 Nominees

Mga Kategorya

Best Humor Video Post of the Year

Para ito sa blogger na sa tingin mo ay nakiliti ang iyong puso sa nakakatuwang video post nya sa kanyang blog.

Best Humor Audio Post of the Year

Para ito sa blogger na sa tingin mo ay nakiliti ang iyong puso sa nakakatuwang audio post nya sa kanyang blog. Boses lang, natuwa ka na.

Best Post of the Year

Post ng isang blogger (mula Enero 1 2010 hanggang Enero 6, 2011) na sa tingin mo ay pumukaw sa iyong damdamin – halatang mula sa kanyang puso at pinigang isipan.

Best Personal Post of the Year

Pinakamahusay na pagpapahayag ng personal na kaisipan, kuru-kuro ukol sa isang paksa (mula Enero 1 2010 hanggang Enero 6, 2011). Maaaring tungkol lamang sa kanyang sarili at kanyang mga karanasan.

Best Emo Post of the Year

Pinakanakakadugo ng puso post mula Enero 1, 2010 hanggang Enero 6, 2011. Kulang na lang, tumalon mula 100th floor ang blogger na sumulat.

Husay Managalog na Blogger of the Year

Blogger sa Tagalog. (yun lang) May espesyal na premyo: Tig-isang kopya ng Bob Ong’s Mama Susan at Kapitan Sino (Sponsor: Kuripotxt), Badge at Bragging Rights

Best in English Blogger of the Year

Blogger naman sa wikang Ingles. Nakakabadtrip ang husay. Nosebleed!

Best Blog Design

O sige, siya na ang magaling magdesign. Siya na designer – malinis ang itsura ng blog. Tama ang timpla ng kulay at hindi FREE Theme ang gamit. Babalik balikan mo ang kanyang blog hindi dahil sa mga post nya pero dahil sa pagkapleasant ng kanyang blog.

Best Kikay Blog Design

Tinadtad nya ng flowers, butterflies, and everything ang kanyang blog. Sobra. Sobra talaga. May sparkling sparklers pa at silhouettes.

Photoblogger of the Year

Jaw dropping ang mga kuha nya sa kanyang camera tas lalakipan pa nya ng mga captions na nakakainggit sa lupit.

Most Excited Blogger

Tuwing EB, marami syang blog post, FB status o tweets na nagsasabing excited na sya.

Most Active Blogger (Blog Category)

Dinadaig nya ang Manila Bulletin’s Panorama sa dami ng kanyang inilalathala. Halos araw-araw magpost sa kanyang blog.

Most Active Blogger (FB Category)

Gumigising ng maaga para batiin ang mga blogger. Sa tanghali, magpopost din ng “lunch na”. Sa gabi, magpopost din sya ng “Good night bloggers”. At hindi pa nagtatapos ang kanyang pagkaadik sa Facebook. Pagdating ng madaling araw, isa sya sa mga nag-i-spam ng mga comment box.

Friendliest Blogger of the Year

Kaibigan siya ng lahat ng bloggers pati ng mga kaaway mo.

Hakot Award Blogger of the Year

Hindi nman necessary na nanalo ang blogger na ito. Siya ang blogger na lahat na lang ng pacontest, sinalihan – nagbabakasakaling makahakot ng award.

Galanteng Blogger of the Year

Lagi siyang nanlilibre. Kung hindi man, namimigay siya ng mga regalo. O kung hindi man, kung magpacontest cya, BIGTIME ang mga premyo.

Fashionista Blogger of the Year

Blogger na head turner dahil mahusay manamit. Maaaring lalake o babae – isa lang ang magwawagi.

Madramang Blogger of the Year

Pangteleserye lahat ng post. Palagi nalang nag-eemote daig pa si Liya Ortega sa husay nyang magbitaw ng mga linyang bumabaon sa puso.

Charming Blogger of the Year

Aminin natin. Hindi sya kagandahan pero nakakatuwa siyang tingnan. Palabati at palangiti.

Bibong Blogger of the Year

Magaling magsulat. Magaling sumayaw. Magaling kumanta. Maraming alam. Bibong-bibo.

Sweetest Blogger of the Year

Babatiin ka nya pag birthday mo. Nagpost sya sa wall mo sa FB nung pasko at magpopost sa bagong taon. Mag-aalala siya pag sinabi mong may sipon ka. Pag nakita kayo, lagi syang may regalo sa iyo.

Rated X Blogger of the Year

Hindi naman sya ganun ka-”L”. Pero pag nagka-anak ka, hinding-hindi mo muna ipapabasa ang blog nya sa kanila.

Most Promising Blogger of the Year

Bagong blogger (hindi bagong kakilala ha) pero nagpamalas ng kakaibang galing sa pagsusulat. Inspirasyon sa ibang hindi pa nagbablog.

Master Pogi Blogger of the Year

Pinakagwapong blogger sa paningin mo.

Lamon King and Queen of the Year (kada EB)

Lagi nalang syang nasa tabi ng lamesang may pagkain. O kung hindi man, lagi syang may bitbit na foods. Tirador ng pulutan.

U-Blog Love Team of the Year

Pinakanakakakilig na nabuong love team sa U-Blog. Kahit hindi natuloy, pede mo inominate – MMM (Malay Mo, Madevelop) ♥

Mr. and Ms. Facebook’s Comment Box

Iba to sa Most Active Blogger. Hindi sya nagpopost. Comment lang ng Comment.

Best in FB Likes Award

Hindi nagpopost, hindi nagkocomment pero ang lupet, like lang ng like. Hindi mo tuloy alam kung binabasa ba talaga nya ang mga post mo.

Lifetime Achievement Award (Blogger of the Year)

Blogger na sa palagay mo ay mahusay sa larangan ng pagbablog – itinuturing mo syang idolo. Maaaring ang haligi ng blogsosphere. Hahaha. Ang magwawagi sa kategoryang ito ay makakatanggap rin ng isang (1) Collezion C2 Polo Shirt mula kay OrphicPixel. (Maaaring manalo ang lalaki o babae).

Mechanics:

Ang mga AWARDEE ay dapat BLOGGER. Pag hindi BLOGGER – taya.
Kahit sino (kahit walang blog) ay maaaring magnominate ng BLOGGER na sa tingin nya ang dapat makatanggap ng award. Dali, panominate ka na sa kapatid mo. Hehehe
I-blog ang iyong nomination (Pwede sa Self-Host, WordPress, Blogspot, Frienster Blog, Facebook note, etc) at ang simpleng dahilan bakit mo siya ninominate. Pede din itweet (basta i-tag o magdirect message sa zyraordono) Halimbawa:

Most Active Blogger (Blog Category) – Arvin Bautista ng Damuhan (i-link ang blog nya) dahil minu-minuto syang updated sa lahat ng kanyang observations sa whole universe
Most Active Blogger (FB Category) - Mhelissa Cathedral (i-link ang blog nya) dahil parang hindi na cya natutulog. Nagpost ako ng umaga, ni-like nya. Tanghali ako nagpost, pati gabi, madaling araw — lagi syang nagcocomment.

Ito ang mga nominado ko para sa TABA 2010.

3. Maaaring magnominate ng kahit ilang blogger. Pwede din magnominate ng sabay-sabay sa isang post kagaya ng halimbawa sa itaas. Basta i-link ang blog ng iyong inonominate sa iyong post at ang address ng page na ito. I-comment sa page na ito ang URL ang post mo para mabilang ang iyong nominasyon.

4. Ang top 3 bloggers na may pinakamaraming blog nominations hanggang Enero 7,2011 - 9PM ang magiging finalist na pagbobotohan. Ang botohan ay tatagal ng dalawang linggo. Iaannounce ang mga nagwagi sa Enero 23,2011 - 9PM.

Mga Nominado (Tandaan na paramihan ito ng nomination)