Blessed Zyra

Pag-ibig ko. Pag-ibig mo.
Pag-ibig nating dalawa, walang sawa, walang duda.

Pag-ibig mo. Pag-ibig niya. Pag-ibig nila, sasawsaw ka.
Pag-ibig ninyong dalawa, minsan gabi, minsan umaga.

Pag-ibig niya. Pag-ibig mo.
Pag-ibig mong mag-isa, tatanda nang dalaga, di bale nang magkasala.

Pag-ibig niya. Pag-ibig ko.
Pag-ibig niyang mag-isa, wala daw sawa, pero kakawala.

Pag-ibig na madali, hindi tayo mapakali.
Pag-ibig na magaan, bakit tayo nabibigatan?
Pag-ibig na tapat, marami na ang salat
Pag-ibig na habambuhay, bakit parang gusto ng iba magpakamatay?

Tamang pag-ibig, timang pag-ibig
Maling pag-ibig, muling pag-ibig
Tamang pag-ibig, tomang pag-ibig
Maling pag-ibig, iling pag-ibig

Pag-ibig galing Langit, Pag-ibig ng Ama
Walang hanggang pag-ibig, masayang pag-ibig

Pag-ibig galing Langit, Pag-ibig ng Ama
Pag-ibig para sa lahat, pag-ibig na karapat-dapat.